25 اگست ، 2021 
نیوزی لینڈ اور انگلینڈ کی ٹیموں کے سکیورٹی ماہرین کا قذافی اسٹیڈیم کا دورہ
25 اگست ، 2021
نیوزی لینڈ اور انگلینڈ کی کرکٹ ٹیموں کے دورے سے قبل سکیورٹی ماہرین ریگ ڈیکاسن اور ڈیوڈ سینئر نے قذافی اسٹیڈیم کا دورہ کیا جہاں انہیں محکمہ داخلہ کی جانب سے سکیورٹی انتظامات پر بریفنگ دی گئی۔
نیوزی لینڈ اور انگلینڈ کی کرکٹ ٹیموں نے ستمبر اور اکتوبر میں پاکستان آنا ہے جن کے میچز لاہور اور راولپنڈی میں ہونے ہیں۔
وینیوز کا جائزہ اور مختلف اداروں سے بریفنگ لینے کے لیے دو سکیورٹی ماہرین ریگ ڈیکاسن اور ڈیوڈ سینئر پاکستان کے دورے پر ہیں، پہلے مرحلے میں انہوں نے قذافی اسٹیڈیم میں ڈریسنگ رومز اور گراؤنڈ کامعائنہ کیا۔
ڈائریکٹر انٹر نیشنل ذاکر خان اور ڈائریکٹر سکیورٹی کرنل آصف نے انہیں بریفنگ دی اورگراؤنڈ میں انتظامات سے آگاہ کیا۔
سکیورٹی ماہرین نے ایڈیشنل چیف سیکرٹری داخلہ ظفر نصراللہ کی زیرصدارت اجلاس میں بھی شرکت کی جس میں سی سی پی او غلام محمود نے سکیورٹی انتظامات پر بریفنگ دی۔
ایڈیشنل چیف سیکرٹری داخلہ کا کہنا تھا کہ نیوزی لینڈ کرکٹ ٹیم کےلیے سکیورٹی کے فول پروف انتظامات کیے جائیں گے، ٹیم کے روٹ پر سی سی ٹی وی کیمرے نصب کیے جائیں گے۔
اس موقع پر نیوزی لینڈ ٹیم کے سکیورٹی انچارج نے انتظامات پر اطمینان کا اظہار کیا۔
مزید خبریں :
سلیکشن کمیٹی کے بعد محمد یوسف کوچنگ سے بھی الگ ہوگئے
6 گھنٹے پہلے
