25 اگست ، 2021 
طالبان نےکابل ائیرپورٹ چلانےکیلیے تکنیکی مدد مانگی ہے، ترک حکام کا دعویٰ
25 اگست ، 2021
ترک حکام نے دعویٰ کیا ہےکہ افغان طالبان نے غیر ملکی فوج کے انخلا کے بعدکابل ائیرپورٹ چلانےکے لیے ترکی سے تکنیکی مدد مانگی ہے۔
برطانوی خبر ایجنسی کے مطابق ترک حکومت کے2 عہدیداروں نے بتایا ہےکہ طالبان نے غیر ملکی فورسزکے انخلا کے بعد کابل ائیرپورٹ کو چلانےکے لیے ترکی سے تکنیکی مدد مانگی ہے لیکن ان کا اصرار ہےکہ ترکی کی فوج بھی 31 اگست کی ڈیڈ لائن تک مکمل انخلا کرلے۔
ترک عہدیدار نےکہا ہےکہ طالبان کی مشروط درخواست کو قبول کرنا ترکی کے لیے مشکل فیصلہ ہے۔
ترک عہدیدار نے نام نہ بتانے کی شرط پر خبر ایجنسی کو مزید بتایا کہ ترک مسلح افواج کے بغیر کابل ائیرپورٹ پرترک ملازمین کے تحفظ کو یقینی بنانا ایک پُرخطرکام ہے۔
ترک عہدیدار کے مطابق غیر ملکی فوج کے انخلا کی ڈیڈ لائن کے بعد اس حوالے سے حتمی فیصلہ کیا جائےگا۔
خیال رہےکہ ترکی کی جانب سے متعدد بار امریکا اور نیٹو افواج کے انخلا کے بعد کابل ائیرپورٹ کی سکیورٹی سنبھالنے کے ارادوں کا اظہار کیا گیا ہے تاہم طالبان کی جانب سے اس کی سخت مخالفت کی گئی ہے۔
مزید خبریں :
اسرائیل اور حزب اللہ جنگ بندی کیلئے ابتدائی طور پر رضامند
25 نومبر ، 2024
یواے ای میں اسرائیلی مذہبی رہنما کے قتل کے شبے میں 3 افرادگرفتار
25 نومبر ، 2024
