27 اگست ، 2021 
داعش نے کابل ائیرپورٹ پر خودکش حملے کی ذمہ داری قبول کرلی
27 اگست ، 2021
شدت پسند دہشت گرد تنظیم داعش نےکابل ائیرپورٹ پر خودکش حملے کی ذمہ داری قبول کرلی ہے۔
فرانسیسی خبر رساں ادارے (اے ایف پی) کے مطابق داعش نے ایک بیان میں کہا ہے کہ اس کے خودکش بمبار نے امریکی فوج کے سکیورٹی کے حصار کو توڑتے ہوئے 5 میٹر تک اندر جاکر خود کو دھماکے سے اُڑایا۔
اے ایف پی کے مطابق داعش نے کابل ائیر پورٹ پر ایک حملے کی ذمہ داری قبول کی ہے جبکہ کابل ائیر پورٹ کے قریب 2 حملے رپورٹ ہوئے تھے۔
دوسرے حملے کے حوالے سے داعش کا کوئی بیان سامنے نہیں آیا ہے ۔
یاد رہے کہ کابل کے حامد کرزئی ائیرپورٹ کے قریب یکے بعد دیگرے 2 زور دار دھماکے ہوئے تھے جس کے نتیجے میں 12 امریکی فوجیوں سمیت 60 افراد ہلاک ہوگئے تھے ۔
تاہم بعد ازاں مزید دھماکوں کی آوازیں بھی سنی گئی ہیں۔
مزید خبریں :
اسرائیلی فوج نے غزہ کو ہتھیاروں کی تجربہ گاہ بنادیا
11 گھنٹے پہلے
چین تبت میں دنیا کا پہلا سپر ڈیم تعمیر کرنے کیلئے تیار
26 دسمبر ، 2024
