27 اگست ، 2021 
پاکستان کی بدستور برطانوی ٹریول ’ریڈ لسٹ‘ میں موجودگی سوالیہ نشان؟
27 اگست ، 2021
برطانیہ کی جانب سے ٹریول لسٹ اپ ڈیٹ کر دی گئی ہے جس کے مطابق پاکستان بدستور ریڈ لسٹ میں موجود ہے۔
برطانیہ کی جانب سے اپ ڈیٹ کی گئی ٹریول لسٹ کے فیصلے پر لندن میں پاکستانی ہائی کمیشن کی جانب سے مایوسی کا اظہار کرتے ہوئے کہا گیا ہے کہ یہ فیصلہ ہزاروں برطانوی پاکستانیوں کی مشکلات میں مزید اضافے کا باعث بنے گا۔
پاکستان ہائی کمیشن لندن کی جانب سے ٹوئٹر پر جاری بیان میں کہا گیا ہے کہ تمام ڈیٹا فراہم کرنے کے باوجود پاکستان کو ریڈ لسٹ میں رکھنے کا فیصلہ مساوات اور ٹریول لسٹ کے معیار پر سوالیہ نشان ہے۔
خیال رہے کہ برطانیہ نے 9 اپریل سے پاکستان سمیت 4 ممالک کو ریڈ لسٹ میں شامل کر رکھا ہے، ریڈ لسٹ والے ممالک سے صرف برطانوی شہریوں کو ہی آنے کی اجازت ہے۔
برطانوی حکومت کی جانب سے کیے گئے اعلان میں ریڈ لسٹ میں شامل ممالک سے آنے والوں کو 10 دن ہوٹل میں قرنطینہ میں رہنا ہو گا اور ہوٹل میں قرنطینہ کے اخراجات میں بھی تقریباً 400 پاؤنڈ کا اضافہ کر دیا گیا تھا جو قرنطینہ کرنے والوں کو خود ادا کرنے ہوں گے۔
مزید خبریں :
یواے ای میں اسرائیلی مذہبی رہنما کے قتل کے شبے میں 3 افرادگرفتار
25 نومبر ، 2024
دبئی میں لاپتہ اسرائیلی مذہبی رہنما کی لاش مل گئی
24 نومبر ، 2024
اسرائیل نے لبنانی فوج کے اڈے کو نشانہ بنانے پر معافی مانگ لی
24 نومبر ، 2024
