31 اگست ، 2021 
پاکستان میں سوتی دھاگے کی قیمتیں تاریخ کی بلند ترین سطح پر پہنچ گئیں
31 اگست ، 2021
فیصل آباد میں مہنگی بجلی کے بعد سوتی دھاگے کی قیمتیں تاریخ کی بلند ترین سطح پرپہنچ گئی ہیں۔
سوتی دھاگے کی قیمتیں بڑھنے کے باعث پاور لومز سیکٹر پھر بحران کا شکار ہونے لگا اور پیداواری لاگت میں اضافے سے فیکڑی مالکان کی مشکلات بڑھ گئیں۔
پاکستان میں ملکی کپاس کی پیداوار تاریخ کی کم ترین سطح پر ہے اور درآمدی کپاس کی قیمتیں تاریخ کی بلند ترین سطح پر پہنچ گئی ہیں جس کے نتیجے میں سوتی دھاگہ انتہائی مہنگا ہونے سے کپڑا بنانے والے فیکڑی مالکان پیداواری لاگت دوگنی ہونے سے پریشان ہیں۔
فیکٹری مالکان کے مطابق یارن کی قیمتوں میں بے تحاشا اضافہ ہو چکا ہے، ہماری کاسٹ پروڈکشن بڑھ چکی ہے جس کی وجہ سے نہ صرف ٹیکسٹائل ایکسپورٹ 11 فیصد کم ہو گئی ہے بلکہ پاور لومز انڈسٹری جو بڑی مشکل سے بحران سے نکلی تھی وہ ایک بار پھر بدترین بحران کا شکار ہو گئی ہے۔
فیکڑی مالکان کا کہنا ہے کہ مہنگی ترین بجلی بھی پاور لومز سیکٹر کے بحران میں اضافے کا سبب ہے، بجلی ہر ماہ ایک دو روپے یونٹ مہنگی ہو رہی ہے، جب حکومت آئی تو 13 روپے کا یونٹ تھا اور اب ایک یونٹ 27 روپے کا ہے، اس کے بعد دھاگے پر سٹا کھیلا جا رہا ہے جس سے ہماری انڈسٹری تباہ ہو رہی ہے۔
پاور لومز مالکان کا حکومت سے مطالبہ ہے کہ انڈسٹری کو بحران سے بچانے کے لیے بجلی اور دھاگے کی قیمتوں میں کمی لانے کے لیے فوری اقدامات اٹھائے جائیں۔
مزید خبریں :
پاکستانی روپے کی قدر میں اضافہ، ڈالر مزید سستا ہوگیا
22 نومبر ، 2024
سونے کی قیمت میں بڑا اضافہ، فی تولہ کتنے کا ہوگیا؟
22 نومبر ، 2024
دفاعی نمائش آئیڈیاز میں غیر ملکی کمپنیوں سے معاہدے طے پاگئے
22 نومبر ، 2024
پاکستان اسٹاک میں 100 انڈیکس نئی بلند ترین سطح پرپہنچ گیا
22 نومبر ، 2024
روپے کے مقابلے میں ڈالر سستا ہوگیا
21 نومبر ، 2024
سونا مسلسل مہنگا، ایک بار پھر قیمت میں بڑا اضافہ
21 نومبر ، 2024
طیارہ سازی کی صنعت میں پاکستان ایک قدم مزید آگے
21 نومبر ، 2024
