کھیل
Time 06 ستمبر ، 2021

’تبدیلی کا وقت ہے‘، وقار یونس کا مستعفی ہونے کے بعد بیان

پاکستان کرکٹ ٹیم کے ساتھ کام کرنا اعزاز تھا، ٹیم کو الوداع کہنا مشکل ضرور ہے، سابق بولنگ کوچ— فوٹو:فائل
پاکستان کرکٹ ٹیم کے ساتھ کام کرنا اعزاز تھا، ٹیم کو الوداع کہنا مشکل ضرور ہے، سابق بولنگ کوچ— فوٹو:فائل

قومی کرکٹ ٹیم کے بولنگ کوچ کے عہدے سے مستعفی ہونے کے بعد وقار  یونس کا بیان سامنے آیا ہے۔

وقار یونس نے اپنی ٹوئٹ میں کہا کہ پاکستان کرکٹ ٹیم کے ساتھ کام کرنا اعزاز تھا، ٹیم کو الوداع کہنا مشکل ضرور ہے لیکن تبدیلی کا وقت ہے۔

ان کا کہنا تھاکہ ذمہ داری چھوڑنے کی اقدار سیکھنے کی ضرورت ہے۔

وقاریونس نے پاکستان کرکٹ اور ٹیم کی کامیابیوں کیلئے نیک خواہشات کا بھی اظہارکیا۔

خیال رہے کہ مصباح الحق اور وقار یونس کو ستمبر 2019 میں قومی کرکٹ ٹیم کا بالترتیب ہیڈ کوچ اور بولنگ کوچ مقرر کیا گیا تھا تاہم آج  دونوں کوچنگ کے عہدوں سے دستبردار ہوگئے۔

مزید خبریں :