سرجڑی جڑواں بہنوں کو کامیاب آپریشن کے بعد علیحدہ کردیا گیا

اسرائیل میں پیدائشی طور پر سروں سے جڑی جڑواں بچیوں کے سروں کو کامیاب آپریشن کے بعد علیحدہ کردیا گیا۔

غیر ملکی خبر رساں ایجنسی کے مطابق اسرائیل میں گزشتہ سال اگست میں جڑواں بہنیں پیدا ہوئیں جن کے سر پچھلے حصے سے ایک ساتھ جڑے ہوئے تھے۔

خبر ایجنسی کے مطابق دونوں بچیوں کا گزشتہ ہفتے  اسرائیل کے ایک مقامی اسپتال میں 12 گھنٹے آپریشن کیا گیا جس کے بعد ان کے سروں کو کامیابی سے علیحدہ کردیا گیا۔

اسپتال انتظامیہ کی جانب سے ایک بیان میں کہا گیا کہ   آپریشن کا عمل انتہائی پیچیدہ تھا جس کے لیے کئی ماہ تیاری بھی کی گئی۔

سر جڑی بہنوں کی کامیاب سرجری کے بعد پاکستان واپسی

جڑواں بچیوں کے جڑے ہوئے سر علیحدہ کرنے کے لیے تین آپریشن ہوئے، بچیوں نے 50 سے زائد گھنٹے آپریشن تھیٹر میں گزارے

 اسپتال انتظامیہ کے مطابق دنیا بھر میں اب تک ایسے 20 آپریشن ہوئے جب کہ یہ اسرائیل میں اپنی نوعیت کا پہلا آپریشن تھا۔