طالبان کے بانی ملا عمر کے بیٹے اور افغان وزیر دفاع ملا یعقوب کی تصویر منظرعام پر آگئی
08 ستمبر ، 2021
طالبان کے بانی ملا عمر کے بیٹے اور افغانستان کے عبوری وزیر دفاع ملا محمد یعقوب مجاہد کی تصویر منظر عام پر آگئی۔
گزشتہ روز طالبان نے عبوری حکومت کا اعلان کیا تھا جس کے تحت ملا محمد حسن اخوند افغانستان کے عبوری وزیر اعظم ہوں گے جبکہ ملا عبدالغنی برادر اورمولوی عبدالسلام حنفی نائب وزرائے اعظم ہوں گے۔
اس کے علاوہ طالبان کے ملٹری آپریشنز کے سربراہ ملا محمد یعقوب مجاہد کو عبوری وزیر دفاع مقرر کیا گیا ہے۔
اب افغانستان کے عبوری وزیر دفاع ملا محمد یعقوب مجاہد کی تصویر بھی منظر عام پر آگئی ہے اور یہ تصویر طالبان کی جانب سے جاری کی گئی ہے۔
یہ تصویر طالبان کے رہنما احمد اللہ متقی نے اپنے آفیشل ٹوئٹر اکاؤنٹ سے جاری کی ہے۔
تصویر میں دیکھا جاسکتا ہے کہ ملا یعقوب اپنے چند ساتھیوں کے ساتھ موجود ہیں تاہم واضح نہیں ہے کہ یہ تصویر کب اور کہاں کی ہے۔
خیال رہے کہ کابل پر طالبان کے کنٹرول کے بعد اعلیٰ قیادت کے 2 اہم ارکان ملا محمد یعقوب مجاہد اور سراج الدین حقانی منظر عام پر نہیں آئے تھے۔
