09 ستمبر ، 2021 
کھیل
راشد خان نے قیادت چھوڑنے کا فیصلہ افغانستان کرکٹ ٹیم کے ٹی ٹوئنٹی ورلڈ کپ اسکواڈ کے اعلان کے چند گھنٹوں بعد کیا —فوٹو:فائل
افغان کرکٹر راشد خان ٹی ٹوئنٹی ٹیم کی قیادت سے دستبردار ہوگئے
09 ستمبر ، 2021
افغان کرکٹر راشد خان ٹی ٹوئنٹی کرکٹ ٹیم کی قیادت سے دستبردار ہوگئے۔
راشد خان نے قیادت چھوڑنے کا فیصلہ افغانستان کرکٹ ٹیم کے ٹی ٹوئنٹی ورلڈکپ اسکواڈ کے اعلان کے چند گھنٹوں بعد کیا جس کے بعد وہ ٹی ٹوئنٹی ورلڈکپ میں ٹیم کی کپتانی نہیں کریں گے۔
راشد خان نے کہا کہ ورلڈکپ کیلئے اعلان کردہ ٹیم میں میری مشاورت شامل نہیں تھی بطور کپتان ٹیم کی شمولیت کیلئے میری رائے ضروری تھی۔
انہوں نے مزید کہا کہ میں افغانستان کی ٹی ٹوئنٹی ٹیم کی قیادت چھوڑنے کا اعلان کرتا ہوں، افغانستان کیلئے کھیلنا ہمیشہ ایک اعزاز کی بات رہی ہے۔
