10 ستمبر ، 2021 
اداکارہ صبا قمر اور گلوکار بلال سعید کے وارنٹ گرفتاری منسوخ
10 ستمبر ، 2021
لاہور کی مقامی عدالت نے مسجد وزیر خان میں شوٹنگ اور ویڈیو بنانے کے مقدمے میں اداکارہ صبا قمر اور بلال سعید کے قابل ضمانت وارنٹ گرفتاری منسوخ کردیے۔
دو روز قبل عدالت نے اداکارہ صبا قمر اور گلوکار بلال سعید کے پیش نہ ہونے پر قابل ضمانت وارنٹ گرفتاری جاری کیے تھے۔
جوڈیشل مجسٹریٹ نے اداکارہ صبا قمر اور بلال سعید کی درخواست پر فیصلہ جاری کردیا۔
عدالت نے صبا قمر اور بلال سعید کی جانب سے 30 ہزار روپے کے شورٹی بانڈز جمع کرانے پر ورانٹ گرفتاری منسوخ کیے۔
عدالت نے دونوں کو 6 اکتوبر کو ذاتی حیثیت میں پیش ہونے کا حکم بھی دیا ہے۔
خیال رہے کہ گزشتہ دنوں اداکارہ صبا قمر اور اداکار بلال سعید کے البم کے ایک گانے کی ویڈیو سوشل میڈیا پر وائرل ہوئی تھی جس میں دونوں فنکار لاہور کی مسجد وزیر خان میں موجود تھے۔
ویڈیو سوشل میڈیا پر وائرل ہوتے ہی دونوں فنکاروں کو شدید تنقید کا سامنا کرنا پڑا اور تھانہ اکبری گیٹ میں دفعہ 295 کے تحت دونوں کے خلاف مقدمہ بھی درج کرایا گیا ہے۔
مزید خبریں :
بالی وڈ اداکار متھن چکرورتی کی پہلی بیوی چل بسیں
9 گھنٹے پہلے
اداکارہ نعیمہ بٹ نے اپنے لمبے گھنے بالوں کا راز بتا دیا
12 گھنٹے پہلے
