10 ستمبر ، 2021 
بیچ ریسلنگ ورلڈ سیریز، انعام بٹ کا تیسرے ٹورنامنٹ میں بھی شاندار آغاز
10 ستمبر ، 2021
پاکستان کے ٹاپ ریسلر انعام بٹ نے بیچ ریسلنگ ورلڈ سیریز میں کامیابیوں کے سلسلے کو جاری رکھتے ہوئے یونان میں شروع ہونے والے تیسرے ٹورنامنٹ میں بھی شاندار آغاز کیا ہے۔
بیچ ریسلنگ ورلڈ سیریز کا تیسرا ایونٹ یونان میں کیٹرینی بیچ پر جمعہ کو شروع ہوا، 90 کلوگرام کی کیٹیگری میں شامل پاکستان کے انعام بٹ نے تیسرے ٹورنامنٹ میں بھی شاندار آغاز کیا۔
انعام بٹ نے روم میں ہونے والے دوسرے ٹورنامنٹ میں گولڈ میڈل جیتا تھا۔
انعام نے پہلے میچ میں آذربائیجان کے ریسلر ابراہیم یوسوباو کو شکست دی اور دوسرے مقابلے میں انہوں نے لندن اولمپکس کے برانز میڈلسٹ جارجیا کے داتو مارساگشولی کو شکست دی۔
90 کلوگرام پلس کیٹیگری میں پاکستان کے زمان انور نے پہلے میچ میں ترکی کے ہدایت کرت کو چِت کیا جبکہ دوسری فائٹ میں انہوں نے آذربائیجان کے اویان نزاریانی کو مات دی۔
دونوں نے 2، 2 فائٹس جیتنے کے بعد ٹورنامنٹ کے کوارٹر فائنل کیلئے کوالیفائی کرلیا ہے جبکہ کوارٹر فائنل مقابلے ہفتے کوپاکستانی وقت کے مطابق دن ایک بجے شروع ہوں گے۔
مزید خبریں :
سلیکشن کمیٹی کے بعد محمد یوسف کوچنگ سے بھی الگ ہوگئے
12 گھنٹے پہلے
آسٹریلیا نے دوسرے ٹی ٹوئنٹی میں پاکستان کو 13 رنز سے شکست دے دی
16 نومبر ، 2024
