11 ستمبر ، 2021 
پاکستان
صحیح مردم شماری نہیں ہوگی تو این ایف سی ایوارڈ کی تقسیم کیسے ہوگی؟ناصر حسین شاہ،فوٹو: فائل
مردم شماری بہانہ نہیں، سندھ میں بلدیاتی انتخابات کرانےکو تیار ہیں، ناصرشاہ
11 ستمبر ، 2021
صوبائی وزیربلدیات ناصر حسین شاہ نے کہا ہےکہ پاکستان پیپلزپارٹی بلدیاتی انتخابات کرانےکو تیار ہے، الیکشن کمیشن کا جو بھی فیصلہ ہوگا اس پر عمل کریں گے۔
مٹھی میں واٹر فلٹریشن پلانٹ کے دورے کے بعد میڈیا سے بات چیت کرتے ہوئے ناصر حسین شاہ نےکہا کہ مردم شماری بہانہ نہیں ہے تاہم صحیح مردم شماری نہیں ہوگی تو این ایف سی ایوارڈ کی تقسیم کیسے ہوگی؟
وزیر بلدیات سندھ کا کہنا تھا کہ پنجاب، خیبرپختو نخوا اور بلوچستان میں سالوں سے ایڈمنسٹریٹر چل رہے ہیں، کیا 120 کے دن کے بعد الیکشن صرف سندھ کے لیے ہیں۔
ان کا کہنا تھا کہ تھرپارکر میں چار سو سے زائد آر او فلٹریشن پلانٹ فعال کیےگئے ہیں، باقی پر کام جاری ہے، بلاول بھٹو نے تھر میں پانی کے مسئلےکو حل کرنےکو کہا ہے۔
