Can't connect right now! retry

دلچسپ و عجیب
14 ستمبر ، 2021

بیٹی پیدا ہونےکی خوشی میں ٹھیلے والے کا مفت گول گپے کھلانے کا اعلان

انچل گپتا نامی شخص کے ہاں 17 اگست کو بیٹی کی پیدائش ہوئی جس کے بعد انہوں نے اعلان کیا کہ وہ علاقہ مکینوں کو مفت میں گول گپے کھلائیں گے ۔ —فوٹو:فائل
انچل گپتا نامی شخص کے ہاں 17 اگست کو بیٹی کی پیدائش ہوئی جس کے بعد انہوں نے اعلان کیا کہ وہ علاقہ مکینوں کو مفت میں گول گپے کھلائیں گے ۔ —فوٹو:فائل 

بھارتی شہر  بھوپال کے ایک گول گپے فروخت کرنے والے شخص نے بیٹی کے پیدا ہونے کی خوشی میں  علاقہ مکینوں کو مفت میں گول گپےکھلانے کا اعلان کردیا ۔

انچل گپتا نامی شخص کے ہاں 17 اگست کو بیٹی کی پیدائش ہوئی جس کے بعد انہوں نے اعلان کیا کہ وہ علاقہ مکینوں کو مفت میں گول گپے کھلائیں گے ۔

انچل گپتا کا کہنا ہے کہ 2 سال قبل بیٹا پید اہوا تھا جبکہ اب  بیٹی کی پیدائش میرے لیے ایک خواب کی تعبیر ہے ، میں ہمیشہ سے  ایک بیٹی چاہتا تھا۔

انہوں نے  کہا کہ اتوار کے روز  بیٹے کی دوسری سالگرہ تھی اور میں نے اپنی بیٹی کی پیدائش کا اعلان کرتے ہوئے بھوپال کے لوگوں کو مفت میں گول گپے  دینے کا اعلان کیا اور انہیں یہ پیغام دیا کہ ’بیٹی ہے  تو مستقبل ہے' ۔ 

انچل گپتا نے بتایا کہ انہوں  نے اتوار کے روز 35 ہزار  سے 40 ہزاربھارتی  روپے (یعنی پاکستانی تقریباً 80 ہزار ) کے گول گپے لوگوں کو کھلائے  لیکن اس سے کوئی فرق نہیں پڑا کیونکہ بیٹی کی پیدائش کی خوشی کسی بھی چیز سے زیادہ تھی۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM