Can't connect right now! retry

پاکستان
15 ستمبر ، 2021

پنجشیر میں احمد شاہ مسعود کے مقبرے سے وادی کا احوال نمائندہ جیو کی زبانی

افغانستان کے صوبے پنجشیر پر افغان طالبان کا اب مکمل کنٹرول ہے ، علاقے میں جنگ ختم ہو چکی ہے تاہم پوری وادی ایک پر اسرار خاموشی میں لپٹی ہے۔

جیو نیوز کے نمائندہ خصوصی زرغون شاہ کے مطابق دریائے پنجشیر کے نیلے پانیوں اور سحر انگیز نظاروں کے سنگ افغان صوبے پنجشیر کو جاتی اس سڑک پر خاصی سراسیمگی ہے، سڑک پر جا بجا افغان طالبان کے پہرے ہیں، ان کا کہنا ہے کہ جنگ ختم ہو چکی اب ہر کوئی امن سے رہ سکتا ہے۔

دیو قامت پہاڑوں میں گھرے، پھل دار و سایہ دار درختوں سے آراستہ پنجشیر میں فی الوقت زیادہ تر بازار اور دکانیں بند ہیں، صوبائی دارالحکومت بازرک میں صوبے کا گورنر ہاؤس خالی ہے اور اس کے باہر طالبان کا پہرہ ہے۔

گورنر ہاؤس سے آگے چمکیلی دھوپ اور ٹھنڈی ہواؤں کی سر سراہٹ میں سابق مزاحمتی کمانڈر احمد شاہ مسعود کی قبر ہے، جس کے اطراف کہیں سرمئی پہاڑ اور کہیں 80 کی دہائی میں تباہ کیے گئے سابق سویت یونین کے ٹینک اور توپیں ہیں۔

اسی احاطے میں طالبان سے شدید جنگ کے بعد پسپا ہونے والی پنجشیر مزاحمتی فورس کا گولہ بارود بھی پڑا ہے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM