21 ستمبر ، 2021 
سکس ریڈ اسنوکر ورلڈکپ، پاکستان کے بابر مسیح نے سیمی فائنل میں جگہ بنالی
21 ستمبر ، 2021
پاکستان کے بابر مسیح نے دوحہ میں جاری آئی بی ایس ایف سکس ریڈ ورلڈکپ کے سیمی فائنل کیلئے کوالیفائی کرلیا جب کہ کوارٹر فائنل میں بابر نے ہم وطن حارث طاہر کو 0-6 سے شکست دی۔
سکس ریڈ اسنوکرکے ورلڈکپ کے کوارٹر فائنل میں پاکستان کے دونوں کیوئسٹس مدمقابل تھے جس میں تجربہ کار بابر مسیح نے نوجوان حارث طاہر کی ایک نہ چلنے دی اور کوئی فریم ڈراپ کیے بغیر مقابلہ باآسانی جیت کر سیمی فائنل میں جگہ بنالی۔
بابر نے حارث کیخلاف میچ 0-54 ،5-36، 11-49، 30-49 ۔ 2-45 اور 0-46 سے جیت لیا۔
اس سے قبل پیر کی صبح کھیلے گئے پری کوارٹر فائنل میچ میں بابر مسیح نے بیلجیئم کے کیون ہینسنز کو 2-6 سے ہرایا تھا۔
میچ میں بابر نے ابتدائی3 فریمز جیتے مگر اس کے بعد بیلجیئم کے کیوئسٹ نے 2 فریم جیت کر اپنا خسارہ کم کیا لیکن بابر نے پھر کم بیک کیا اور بیسٹ آف الیون کا یہ میچ 2-6 سے جیت لیا۔
بابر کی جیت کا اسکور 32-40، 0-44، 9-50، 14-41 ، 9-40، 5-38، 29-32 اور18-41 رہا۔
حارث طاہر نے پری کوارٹر فائنل میچ میں متحدہ عرب امارات کے خالد کمالی کو 2 فریمز ڈراپ کرتے ہوئے شکست دی تھی۔
حارث نے اس میچ کے چھٹے فریم میں 62 کا بریک بھی کھیلا اور 16-44 ، 31-40، 16-46، 13-45 ، 1-38، 1-62، 14-39 اور0-38 سے کامیابی حاصل کی۔
ایونٹ کے سیمی فائنل اور فائنل منگل کو کھیلے جائیں گے۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
پرتھ ٹیسٹ میں بھارت نے آسٹریلیا کو 295 رنز سے شکست دیدی
25 نومبر ، 2024
