کابل: خواتین کے ٹی وی چینل کی بندش کے احکامات، آخری رپورٹ میں خاتون صحافی آبدیدہ

کابل میں خواتین کے لیے مخصوص ٹی وی چینل کو بندکرنےکے احکامات کے بعد چینل کے لیے آخری اسائنمنٹ کور کرتی خاتون رپورٹر آبدیدہ ہوگئیں۔

جیو نیوز کے مطابق افغان رپورٹر زہرہ کا کہنا ہےکہ صحافت میں10 سال معاشرے کے تلخ رویے کاسامنا کیا ، لیکن آج کی صورت حال مختلف ہے۔

افغانستان میں سی این این کی خاتون رپورٹر کی عبایا پہن کر رپورٹنگ

رپورٹنگ کے دوران رپورٹرکلیریسا وارڈ کو کابل میں واقع امریکی سفارتخانے کی گلی میں متعدد افغان طالبان کے ہمراہ رپورٹنگ کرتے دیکھا گیا تھا۔

خیال رہےکہ چند سال قبل افغانستان میں خواتین کے لیے ٹی وی چینل زان لانچ کیا گیا تھا جو کہ خواتین کے مسائل سے متعلق موضوعات پر ہی رپورٹس نشر کرتا تھا اور اس میں کام کرنے والوں کی اکثریت خواتین کی ہی تھی۔

گزشتہ ماہ اگست میں کابل پر طالبان کے کنٹرول کے بعد سے سرکاری اور نجی دفاتر میں خواتین ورکر نے جانا چھوڑ دیا تھا، ابتدا میں افغانستان کے معروف ٹی وی چینل طلوع نیوز نے اپنی نشریات بند کردی تھیں تاہم بعد ازاں خواتین اینکر کے ساتھ نشریات کا دوبارہ آغاز کردیا گیا تھا۔