27 ستمبر ، 2021 
طالبان عالمی برادری سے افغانستان سے اچھے روابط کے مطالبے پر عمران خان کے شکر گزار
27 ستمبر ، 2021
افغانستان کی عبوری حکومت کے نائب وزیر اطلاعات ذبیح اللہ مجاہد نےکہا ہے کہ عالمی برادری سے افغانستان سے اچھے روابط کے مطالبے پر ہم عمران خان کے شکر گزار ہیں۔
ذبیح اللہ مجاہد نے کہا کہ پاکستان نےعالمی برادری سےکہاہےکہ وہ افغانستان سےاچھےروابط قائم کرے،پاکستان ہمسایہ ملک ہے ،ان کا مؤقف قابل تحسین ہے،ہم اسکے مشکورہیں۔
پاکستانی نیوز ایجنسی اے پی پی کو انٹرویو دیتے ہوئے ذبیح اللہ مجاہد نے کہا کہ ہم ہر ایک سے اچھے تعلقات چاہتے ہیں، اس کے لیے ضروری ہے کہ ہماری حکومت کو تسلیم کیا جائے اور ہمارے نام بلیک لسٹ سے نکال دیے جائیں جبکہ ہماری قیادت کو بیرون ملک آنے جانے کی مکمل آزادی دی جائے۔
ذبیح اللہ مجاہد نے کہا کہ عالمی برادری کو اب اطمینان کر لینا چاہیے کہ ہماری حکومت مشترکہ ہے، یہ حکومت اب بھی عبوری ہے اس میں مزید اصلاحات لائی جائیں گی۔
انہوں نے کہا کہ ہم اپنی زمین کسی کے خلاف استعمال ہونے کی ہرگز اجازت نہیں دیں گے۔
مزید خبریں :
یواے ای میں اسرائیلی مذہبی رہنما کے قتل کے شبے میں 3 افرادگرفتار
25 نومبر ، 2024
دبئی میں لاپتہ اسرائیلی مذہبی رہنما کی لاش مل گئی
24 نومبر ، 2024
اسرائیل نے لبنانی فوج کے اڈے کو نشانہ بنانے پر معافی مانگ لی
24 نومبر ، 2024
