29 ستمبر ، 2021 
دورہ پاکستان کی منسوخی کے بعد انگلش کرکٹ بورڈ کے چیئرمین کا پہلا بیان سامنے آگیا
29 ستمبر ، 2021
پاکستان سے دورہ منسوخ ہونے کے اعلان کے بعد انگلینڈ اینڈ ویلز کرکٹ بورڈ کے چیئرمین این واٹمور کا پہلا بیان سامنے آ گیا ہے۔
چیئرمین انگلینڈ اینڈ ویلز کرکٹ بورڈ این واٹمور نے پاکستان میں سیریز نہ کھیلنے کے فیصلے کے بعد پہلی مرتبہ تبصرہ کرتے ہوئے کہا کہ پاکستان کا دورہ نہ کرنے کا فیصلہ بورڈ کا تھا، اس فیصلے کے لیے کھلاڑیوں سے مشورہ نہیں کیا گیا تھا۔
ان کا کہنا تھا کہ انگلش کرکٹ بورڈ نے سیزن کی مصروفیات کی وجہ سے ذہنی تندرستی کے لیے فیصلہ کیا جو کہ بہت مشکل تھا۔
واٹمور کا مزید کہنا تھا کہ مجھے افسوس ہے کہ فیصلے سے خاص طور پر پاکستان میں لوگ مایوس ہوئے، تفصیلات میں نہیں جاؤں گا لیکن سکیورٹی اور ویلفیئر کی ایڈوائس پر فیصلہ کیا گیا۔
انھوں نے کہا پاکستان کے ساتھ تعلقات نئے سرے سے بنانے ہیں، ہم پاکستان کے مشکور ہیں کہ وہ گزشتہ برس انگلینڈ آئے۔
چیئرمین انگلینڈ اینڈ ویلز کرکٹ نے کہا کہ اگلے سال پاکستان کے شیڈول ٹور کے حوالے سے جو ہو سکا ہم کریں گے۔
مزید خبریں :
کراچی پریمیئر لیگ ملیر ڈولفنز نے جیت لی
2 گھنٹے پہلے
سلیکشن کمیٹی کے بعد محمد یوسف کوچنگ سے بھی الگ ہوگئے
16 نومبر ، 2024
آسٹریلیا نے دوسرے ٹی ٹوئنٹی میں پاکستان کو 13 رنز سے شکست دے دی
16 نومبر ، 2024
