کیٹی بندر سمیت سندھ کی ساحلی پٹی پر طوفانی ہواؤں کے ساتھ موسلادھار بارش

کیٹی بندر سمیت سندھ کی ساحلی پٹی پر موسم تبدیل ہو نے سے طوفانی ہواؤں کے ساتھ موسلا دھار بارش کا سلسلہ شروع ہو گیا۔

طوفانی ہواؤں کے ساتھ بارش کے باعث کیٹی بندر پر ماہی گیروں کی جھونپڑیوں کو شدید نقصان پہنچا، کئی جھونپڑیاں اکھڑ گئیں۔

ادھر کراچی میں بھی تیز ہوائیں چلنا شروع ہو گئی ہیں، فرئیر ہال کے قریب تیز ہوا کے باعث بجلی کا کھمبا گاڑی پر گر گیا، ایک درخت بھی گرا جس کے باعث اطراف کے علاقوں میں بجلی کی فراہمی معطل ہو گئی۔

محکمہ موسمیات نے کراچی شہر میں آج گرج چمک کے ساتھ موسلادھار بارش کا امکان ظاہر کیا ہے۔