چائلڈ پورنو گرافی میں ملوث دو ملزمان کو سزا سنادی گئی
01 اکتوبر ، 2021
حیدر آباد کی عدالت نے چائلڈ پورنو گرافی کے دو مقدمات میں دو ملزمان کو قید اور جرمانے کی سزا سنادی۔
وفاقی تحقیقاتی ادارے (ایف آئی اے) کے ایڈیشنل ڈائریکٹر عمران ریاض کے مطابق ایف آئی اے سائبر کرائم نے ایک سال قبل دونوں ملزمان کو گرفتار کیا تھا جبکہ ملزمان کی نشاندہی انٹرپول کی جانب سے کی گئی تھی۔
ان کا کہنا تھاکہ ایک ملزم وقار حسین نے لولی چائلڈ کے نام سے واٹس ایپ گروپ بنایا ہوا تھا جس پر بچوں کی غیر اخلاقی ویڈیوز شیئر کی جاتیں تھیں۔
عمران ریاض کے مطابق دوسرا ملزم ندیم ہے جس نے واٹس ایپ گروپ بنایا ہوا تھا۔
حیدر آباد کی عدالت نے دونوں ملزمان کو تین، تین سال قید اور 20 ہزار جرمانے کی سزا سنائی ہے۔
