02 اکتوبر ، 2021 
تدفین کہاں کی جائے؟ بیٹے نے عمر شریف کی خواہش بتادی
02 اکتوبر ، 2021
چہروں پر مسکراہٹیں بکھیرنے والے پاکستان کے معروف اداکار اورکامیڈین عمر شریف کی تدفین سے متعلق ان کے بیٹے نے والد کی خواہش بتادی ہے۔
کراچی میں موجود عمر شریف کے بیٹے نے میڈیا سے گفتگو کرتے ہوئے تصدیق کی کہ والد اب ہم میں نہیں رہے ، خالق حقیقی سے جاملے ہیں، سب سے اپیل ہےکہ مغفرت کے لیے دعا کریں ۔
عمر شریف کے بیٹےکا کہنا ہے کہ نمازہ جنازہ کے انتظامات ہو رہے ہیں جیسے ہی فائنل ہوگا، نمازہ جنازہ کا اعلان کریں گے۔
ان کا کہنا تھا کہ والد کی خواہش تھی کہ تدفین عبداللہ شاہ غازی کے مزار میں ہو، سندھ حکومت سے عبداللہ شاہ غازی کےمزار میں تدفین کی درخواست کی ہے۔
عمر شریف آج جرمنی کے اسپتال میں انتقال کرگئے تھے، پاکستان سے علاج کی غرض سے 28 ستمبر کو ائیر ایمبولینس کے ذریعے امریکا روانہ کیا گیا تھا تاہم طویل سفر اور تھکاوٹ کے باعث انہیں جرمنی کے اسپتال میں داخل کروایا گیا تھا جہاں انہیں نمونیا ہونے اور ائیر ایمبولینس میں فنی خرابی کے باعث اداکار کا جرمنی میں وقفہ طویل ہو گیا۔
امریکا میں موجود اداکار عمر شریف کے معالج ڈاکٹر طارق شہاب نے بتایا تھا کہ جرمنی میں اداکار کے ڈائیلیسز کے بعد ڈاکٹرز کی ہدایات کی روشنی میں انہیں امریکا منتقل کیا جائے گا۔
مزید خبریں :
بالی وڈ اداکار متھن چکرورتی کی پہلی بیوی چل بسیں
05 نومبر ، 2024
بھارتی اداکارہ نے مدینہ منورہ میں نکاح کرلیا، تصاویر وائرل
05 نومبر ، 2024
