پاکستان
04 اکتوبر ، 2021

پنڈورا لیکس کے بعد ایف آئی اے سائبر کرائم ونگ متحرک

آئی سی آئی جے کی جانب سے دنیا بھر سے تعلق رکھنے والی نامور شخصیات کے مالی امور کی تفصیلات جاری ہونے کے بعد پاکستان کی وفاقی تحقیقاتی ایجنسی (ایف آئی اے) بھی متحرک ہو گئی ہے۔

ذرائع کا بتانا ہے کہ ڈی جی ایف آئی اے نے پنڈورا لیکس کے سامنے آنے کے بعد سائبر کرائم ونگ کو متحرک کر دیا ہے۔

ذرائع کا یہ بھی کہنا ہے کہ پنڈورا پیپرز کی تفصیلات جاری ہونے کے بعد سے پاکستان کے تمام تحقیقاتی ادارے بالخصوص آئی بی اور ایف آئی اے متحرک ہو گئے ہیں۔

خیال رہے کہ گزشتہ روز آئی سی آئی جے نے دنیا بھر  سے تعلق رکھنے والی شخصیات کی جانب سے مختلف ممالک میں قائم کی گئی آف شور کمپنیوں کی تفصیلات جاری کی تھیں جس میں 700 سے زائد پاکستانیوں کے نام بھی شامل ہیں۔

وزیراعظم عمران خان نے اعلان کیا ہے کہ ان کی حکومت پنڈورا پیپرز میں شامل پاکستانیوں کے حوالے سے تحقیقات کرے گی۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM