06 اکتوبر ، 2021 
شاہ رخ خان کے بیٹے کو گرفتاری کے بعد کھانے کیلئے کیا دیا گیا؟
06 اکتوبر ، 2021
منشیات کیس میں گرفتار بالی وڈ کنگ شاہ رخ خان کے بیٹے آریان خان کے کھانے پینے کے حوالے سے تفصیلات سامنے آئی ہیں۔
بھارتی میڈیا کے مطابق نارکوٹکس کنٹرول بیورو (این سی بی) کی جانب سے آریان سمیت اس کے دوستوں کو گھر سے آنے والا کھانا دینے سے انکار کردیا گیا۔
آریان اور اس کے دوستوں کو گرفتاری کے بعد این سی بی کے دفتر میں کاغذ کی پلیٹوں میں سبزی کا سالن، پوریاں اور دال چاول دیے گئے جو کہ دفتر کے قریب سے ہی منگوائے گئے تھے۔
بھارتی میڈیا کے مطابق این سی بی نے آریان سمیت گرفتار دیگر افراد کو گھر کا پکا ہوا کھانا یا گھر سے بھیجے جانے والا خاص کھانا دینے سے سختی سے منع کیا اور قریبی ریسٹورینٹ سے بریانی کا انتظام کرنے کیلئے کہا گیا۔
واضح رہے کہ آریان خان کو 3 اکتوبر کو منشیات کے کیس میں گرفتار کیا گیا اور 4 اکتوبر کو عدالت میں پیش کیا گیا تھا۔
عدالت نے آریان کو 7 اکتوبر تک نارکوٹکس کنٹرول بیورو کے حوالے کردیا ہے۔
مزید خبریں :
امریکی اداکار جان کراسنسکی سال 2024 کے پرکشش مرد قرار
13 نومبر ، 2024
