ورلڈکپ پاک بھارت ٹاکرے میں امپائرنگ کے فرائض کون انجام دیں گے؟

انٹرنیشنل کرکٹ کونسل ( آئی سی سی) نے  ٹی ٹوئنٹی ورلڈ کپ کیلئے امپائرز اور ریفریز پینل کا اعلان کردیا۔

16 رکنی امپائرنگ پینل میں پاکستان سے علیم ڈار اور احسن رضا شامل ہیں۔ 24 اکتوبر کو ہونیوالے پاک بھارت میچ کو ماری ایرامس اور کرس گفانے سپروائز کریں گے۔

پاک بھارت ورلڈ ٹی ٹوئنٹی میچ کی تمام ٹکٹیں چند گھنٹوں میں فروخت

ٹی ٹوئنٹی ورلڈکپ میچز میں کورونا ایس او پیز کی وجہ سے 70 فیصد شائقین کو اسٹیڈیم آنے کی اجازت ہوگی

آئی سی سی کے مطابق ٹی ٹوئنٹی ورلڈ کپ میں 4 میچ ریفریز  اور 16 امپائرز میچز سپروائز کریں گے۔

ہر میچ میں نیوٹرل امپائرز کا تقرر  ہوگا۔ امپائرز میں پاکستان سے احسن رضا اور علیم ڈار کو بھی شامل کیا گیا ہے ۔

علیم ڈار چھٹی مرتبہ ٹی ٹوئنٹی ورلڈ کپ میں امپائرنگ کے فرائض انجام دیں گے۔ میچ ریفریز کے پینل میں پاکستان سے کوئی نام شامل نہیں۔

آئی سی سی نے ساتھ ہی ابتدائی راؤنڈز کے میچز میں بھی امپائرنگ پینل کی تقرری کردی ہے۔

24 اکتوبر کو ہونیوالے پاک بھارت میچ میں جنوبی افریقا کے ماری ایرامس اور نیوزی لینڈ کے کرس گفانے آن فیلڈ امپائر ہوں گے۔ رچرڈ النگ ورتھ ٹی وی امپائر جبکہ پاول ریفل فورتھ امپائر مقرر کیے گئے ہیں۔  ڈیوڈ بون اس میچ کے ریفری نامزد ہوئے ہیں۔