Can't connect right now! retry

انٹرٹینمنٹ
11 اکتوبر ، 2021

آریان کی گرفتاری: کنگنا رناوت کا شاہ رخ خان پر طنز

کنگنا نے انسٹاگرام پر مقبول ہالی وڈ اداکار جیکی چن اور ان کے بیٹے کے حوالے سے ایک پوسٹ شیئر کی/ فائل فوٹو
کنگنا نے انسٹاگرام پر مقبول ہالی وڈ اداکار جیکی چن اور ان کے بیٹے کے حوالے سے ایک پوسٹ شیئر کی/ فائل فوٹو

متنازع بیانات کے سبب سرخیوں میں رہنے والی بھارتی اداکارہ کنگنا رناوت نے بالی وڈ سپر اسٹار شاہ رخ خان کو بیٹے آریان کی گرفتاری پر طنز کا نشانہ بنایا۔

کنگنا نے انسٹاگرام پر مقبول ہالی وڈ اداکار جیکی چن اور ان کے بیٹے کے حوالے سے ایک پوسٹ شیئر کی جس میں انہوں نے ماضی کا واقعہ یاد دلایا کہ کس طرح جیکی چن نے اپنے بیٹے جیسی چن کی منشیات اسکینڈل میں 2014 میں گرفتاری پر معافی مانگی تھی۔

فوٹو: انسٹاگرام/کنگنا
فوٹو: انسٹاگرام/کنگنا

جیسی چن کو 7 سال پہلے پولیس نے 100 گرام چرس  اپنے اپارٹمنٹ میں رکھنے کے جرم میں گرفتار کیا تھا۔

بیٹے کی گرفتاری کے بعد جیکی چن نے سوشل میڈیا پر جاری پیغام میں کہا تھا کہ ایک عوامی شخصیت ہونے پر دکھی ہوں، بیٹے کی صحیح دیکھ بھال نہ کرنے پر خود سے شرمندہ ہوں، اس کی ماں بھی کرب کا شکار ہے اور میں اس پر معافی کا طلب گار ہوں۔

کنگنا نے اسٹوری کے ساتھ ایک ہیش ٹیگ استعمال کیا جس سے بظاہر یوں لگتا ہے جیسے وہ شاہ رخ خان کو بیٹے کی حرکت پر معافی مانگنے کا مشورہ دے رہی ہیں۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM