12 اکتوبر ، 2021
نئی دہلی کی عدالت نے لکشمی نگر سےگرفتار پاکستانی محمد اشرف کو 14 روزہ ریمانڈ پر پولیس کے حوالے کردیا۔
بھارتی میڈیا کے مطابق پولیس کا کہنا ہےکہ پاکستانی محمد اشرف 10 سال سے زائد عرصے سے بھارتی شہری بن کر رہ رہا تھا۔
بھارتی پولیس نے الزام لگایا ہے کہ ابتدائی تفتیش میں محمد اشرف کی بطور سلیپر سیل تخریبی سرگرمیوں کو منظم کرنے میں ملوث ہونے کے اشارے ملے ہیں۔
مقامی عدالت میں جمع کرائی گئی پولیس رپورٹ کے مطابق محمد اشرف کے قبضے سے کلاشنکوف اور دستی بم بھی برآمد ہوئے ہیں۔
خیال رہے کہ پاکستان میں نارووال کے رہائشی محمد اشرف کو گذشتہ رات نئی دہلی کے علاقے لکشمی نگر سے گرفتار کیا گیا تھا۔