14 اکتوبر ، 2021
پنجاب میں جیلوں کی بیرکس میں قیدیوں کے لیے اخبارات جاری کرنے کا حکم دیا گیا ہے۔
وزیراعلیٰ پنجاب عثمان بزدار کی جانب سے جاری حکم نامے میں کہا گیا ہے کہ قیدی اب جیل بیرکس میں اخبارات کا مطالعہ بھی کر سکیں گے۔
وزیراعلیٰ پنجاب نے ایڈیشنل چیف سیکرٹری داخلہ اور سیکرٹری اطلاعات کو اس حوالے سے ہدایات بھی جاری کر دی ہیں۔
عثمان بزدار کا کہنا تھا کہ بیرکس میں قیدیوں کے لیے اخبارات کی فراہمی یقینی بنائی جائے، تمام جیلوں میں قیدیوں کے لیے باقاعدگی سے اخبارات مہیا کیے جائیں۔
وزیراعلیٰ پنجاب کا کہنا تھا کہ قیدیوں اور جیل ملازمین کیلئے 5 ارب 50کروڑ روپے کے پیکیج سے نظام میں حقیقی تبدیلی آئے گی۔