15 اکتوبر ، 2021 
جاپانی کمپنی نے روبوٹس کیلئے بھی ملبوسات تیار کرنا شروع کردیے
15 اکتوبر ، 2021
اچھے اور مہنگے ملبوسات صرف انسان نہیں پہنیں گے بلکہ اس فہرست میں اب جاپان کے روبوٹس بھی شامل ہوگئے ہیں۔
جاپان جہاں انسانوں کی جگہ تقریباً روبوٹس ہی کام کرتے نظر آتے ہیں اس لیے وہاں کے ایک منفرد برینڈ 'راکٹ روڈ' نے روبوٹس کا خیال رکھتے ہوئے ان کیلئے اچھے اور مختلف قسم کے ملبوسات تیار کرنا شروع کردیے ہیں۔
راکٹ روڈ کمپنی نے گزشتہ ماہ روبوٹس کو کوور کرنے کیلئے اپنی پہلی منفرد کالیکشن لاؤنچ کرنے کا اعلان کیا تھا۔
کمپنی کے مطابق یہ اسپیشل ملبوسات روبوٹس کیلئے 40 مختلف رنگوں میں دستیاب ہیں جبکہ انھیں دھول سے بچنے، اینٹی بیکٹیریل ، پانی اورگرمی سے بچنے والے مواد کی مدد سے تیار کیا گیا ہے۔
روبوٹس کیلئے ملبوسات بنانےکا مقصد روبوٹس کو تھوڑی شخصیت فراہم کرنا ہے ۔
کمپنی کے سی ای او کا کہنا ہے کہ یہ بہت اچھا ہوگا اگر ہم روبوٹس کے ملبوسات کے ذریعے لوگوں کو ایک دوسرے کے قریب لائیں اور بہت سے لوگ جن میں بچے ، عورتیں اور بوڑھے روبوٹس کے قریب ہوں گے اور ان کو اپنی سماجی زندگیوں کو بہتر بنانے کے لیے استعمال کریں گے۔
مزید خبریں :
ویڈیو: کراچی کے علاقے گارڈن میں بندر مکان کی چھت پر چڑھ گیا
20 نومبر ، 2024
دبئی میں چوبیس قیراط سونے کی الیکٹرک کار قرعہ اندازی کے لیے پیش
19 نومبر ، 2024
