افغان تاجروں کو پاکستان کے لیے ویزا آن ارائیول کی سہولت فراہم کردی، وزیر خارجہ

وزیر خارجہ شاہ محمود قریشی نے کہاہے کہ دورہ افغانستان میں ان کی تجارت، سکیورٹی، پروازوں، سرحدی معاملات اور کئی امور پر بات ہوئی۔

انہوں نے بتایا کہ افغان قیادت پاکستان کے کردار اور کاوشوں کی معترف تھی، افغان تاجروں کو پاکستان کے لیے ویزا آن ارائیول کی سہولت فراہم کردی ہے۔

وزیر خارجہ شاہ محمود قریشی کابل کا ایک روزہ دورہ مکمل کر کے وطن واپس پہنچ گئے ہیں۔

کابل: شاہ محمود کی ڈی جی آئی ایس آئی و دیگر حکام کے ہمراہ افغان وزیراعظم سے ملاقات

ملاقات میں دو طرفہ باہمی دلچسپی کے امور ،تجارتی و اقتصادی شعبہ جات میں تعاون اور افغان عوام کو معاشی بحران سے نکالنے کے معاملے پر تبادلہ خیال کیا گیا

دورہ کابل میں شاہ محمود قریشی نے افغان عبوری حکومت کے وزیر اعظم ملا حسن اخوند سمیت افغان طالبان قیادت سے ملاقاتیں کیں۔

وزیر خارجہ نے افغان قیادت کو یقین دلایا کہ معاشی بحران کے پیشِ نظر پاکستان افغان بھائیوں کی انسانی بنیادوں پر معاونت جاری رکھے گا۔

وزیراعظم کے نمائندہ خصوصی برائے افغانستان صادق خان اور ڈی جی آئی ایس آئی لیفٹیننٹ جنرل فیض حمید بھی وزیر خارجہ کے ہمراہ تھے۔