پی ڈی ایم کا حصہ ہیں یا نہیں حکومت کو گھر ہم ہی بھیجیں گے، بلاول

چیئرمین پیپلز پارٹی بلاول بھٹو زرداری کا کہنا ہے کہ پیپلز پارٹی پاکستان ڈیموکریٹک موومنٹ (پی ڈی ایم) کا حصہ ہے یا نہیں مگر حکومت کو گھر ہم ہی بھیجیں گے۔

سینیٹر مولابخش چانڈیو سے گفتگو کرتے ہوئے بلاول نے کہا کہ پیپلز پارٹی کی حکومت مخالف تحریک مسلسل جاری ہے۔

پی ڈی ایم کا کراچی، لاہور، پشاور و دیگر شہروں میں نماز جمعہ کے بعد مظاہروں کا اعلان

پی ڈی ایم نے ملک بھر میں مہنگائی اور بے روزگاری کے خلاف مظاہروں کا اعلان کیا ہے

انہوں نے کہا کہ عوام کو موجودہ حکومت کے رحم و کرم پر نہیں چھوڑا جا سکتا۔ خیال رہے کہ پی ڈی ایم نے جمعے سے مہنگائی اور بے روزگاری کیخلاف احتجاجی مظاہروں کا سلسلہ شروع کرنے کا اعلان کیا ہے۔

اس احتجاج میں ن لیگ بھی حصہ لے رہی ہے جبکہ پیپلز پارٹی اپنے الگ جلسے کررہی ہے۔