'لگتا ہے کہ 50 فی صد پاکستانی اپنا بڑھا ہوا پیٹ چھپانے کیلئے شلوار قمیض پہنتے ہیں'

اداکارہ مہوش حیات کا کہنا ہے کہ لگتا ہے50 فی صد پاکستانی اپنا بڑھا ہوا پیٹ چھپانے کے لیے شلوار قمیض پہنتے ہیں۔

جیو نیوز کے پروگرام جشنِ کرکٹ میں اداکارہ مہوش حیات نے دلچسپ گفتگو کرتے ہوئے  کہا کہ  انھیں آج کل اچھے اسکرپٹ نہیں مل رہے اور وہ رونے دھونے والے اسکرپٹ پر کام نہیں کرنا چاہتیں  جبکہ فلم ’’لندن نہیں جاؤں گا‘‘ پر کام چل رہا ہے ۔

مہوش حیات نے بھائی کے ہمراہ مداحوں کو نیا چیلنج دیدیا

انسٹاگرام پر مہوش حیات کے تصدیق شدہ اکاؤنٹ پر ایک ویڈیو شیئر کی گئی ہے

مہوش حیات کا کہنا تھا کہ  لگتا ہے50 فی صد پاکستانی اپنا بڑھا ہوا پیٹ چھپانے کے لیے شلوار قمیض پہنتے ہیں۔

اس کے علاوہ اداکارہ مہوش حیات نے عوام سے وزیر اعظم پاکستان عمران خان کو مزید وقت دینے کی اپیل کردی ۔

انہوں  نے کہا کہ عمران خان کو بہت بری حالت میں ملک ملا تھا،اسے درست کرنے کیلئے بھی وقت دینا چاہیے۔

مہوش حیات  کا کہنا تھا کہ عمران خان کے پاس کوئی جادو کی چھڑی نہیں ہے کہ چھڑی چلاتے ہی سب ٹھیک ہوجائے ،نیا پاکستان ابھی بننے کے عمل میں ہے۔

  اس کے علاوہ  مہوش حیات نے سیگمنٹ500 کی دوڑ میں ٹیسٹ کرکٹر انضمام الحق کو بھی شکست دے دی۔