25 اکتوبر ، 2021 
شکر ہے اپنی زندگی میں بھارت کو ورلڈکپ میں پاکستان سے ہارتے دیکھ لیا: وسیم اکرم
25 اکتوبر ، 2021
سوئنگ کے سلطان اور پاکستان کے سابق کپتان وسیم اکرم بھی پاکستان کے ہاتھوں بھارت کی دردناک شکست پر خاصے پرجوش ہیں۔
سوشل میڈیا پر وسیم اکرم کی کراچی میں پریس کانفرنس کی ایک ویڈیو وائرل ہورہی ہے جس میں انہیں اپنی زندگی میں بھارت کو ورلڈکپ میں ہارتے دیکھے جانے پر خوشی کا اظہار کرتے دیکھا جاسکتا ہے۔
وسیم اکرم کا کہنا تھا کہ شکر ہے کہ میں نے اپنی زندگی میں ورلڈکپ میں پاکستان کو بھارت کے خلاف میچ جیتتے دیکھ لیا۔
انہوں نے کہا کہ دیکھا جائے تو مجموعی طور پر پاکستان کا ریکارڈ ابھی بھی بھارت سے بہتر ہے لیکن ورلڈکپ میں ہم ان سے بہتر نہیں تھے لیکن کل ٹیم کے لڑکوں نےساری کمی پوری کردی۔
وسیم اکرم نے مزید کہا مجھے لگتا ہے کہ کل کا میچ پاکستانی کرکٹ کو تبدیل کردینے والا میچ ہے، کل کے میچ کے بعد پاکستانی ٹیم کا مائنڈ سیٹ چینج ہوا ہے، کل کی جیت سے اندازہ ہوگیا کہ ہماری ٹیم کے کھلاڑیوں میں صلاحیت کتنی ہے لہٰذا مطمئن رہیں اور اسی جذبے کے ساتھ کھیلیں۔
وسیم اکرم نے دوران پریس کانفرنس شاہین شاہ آفریدی کو دنیا کے بہترین بولرز میں سے ایک قرار دیا۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
