25 اکتوبر ، 2021 
شاہ رخ کے بعد گوری بھی آریان سے ملنے جیل پہنچ گئیں
25 اکتوبر ، 2021
شاہ رخ کی اہلیہ گوری خان بھی منشیات کیس میں گرفتار بیٹے آریان خان سے ملنے ممبئی کی آرتھرڈ جیل پہنچ گئیں۔
گزشتہ ہفتے شاہ رخ بھی جیل میں موجود بیٹے آریان سے ملاقات کے لیے پہنچے تھے جہاں انہوں نے تقریباً 18 منٹ بیٹے سے ملاقات کی تھی۔
میڈیا رپورٹس میں بتایا گیا تھا کہ آریان والد سے جیل میں ملاقات کے دوران زاروقطار روپڑے تھے۔
بھارتی میڈیا کا کہنا ہےکہ گوری خان نے بھی پیر کے روز بیٹے آریان سے جیل میں ملاقات کی ہے۔
بھارتی میڈیا کے مطابق گوری خان کی جیل آمد کے موقع پر جیل کے باہر سکیورٹی کے سخت انتظامات کیے گئے تھے۔
بھارتی میڈیا میں گوری کی آریان سے ملاقات کی مزید تفصیلات سامنے نہیں آئیں۔
واضح رہے کہ این سی بی نے 2 اکتوبر کو ممبئی کے ساحل پر ایک کروز شپ پر ہونے والی پارٹی پر چھاپہ مار کر شاہ رخ کے بیٹے سمیت 8 افراد کو گرفتار کیا تھا۔
