محمد رضوان بھارتی کرکٹر محمد شامی کی حمایت میں سامنے آگئے

ٹی ٹوئنٹی ورلڈکپ میں پاکستان سے عبرتناک شکست کے بعد بھارتی انتہا پسندوں نے مسلمان کرکٹر محمد شامی کے خلاف سوشل میڈیا پر نفرت انگیز مہم شروع کی ہوئی ہے ۔

اس مہم کے خلاف جہاں بھارت سے کئی آوازیں اٹھ رہی ہیں وہیں پاکستان کے نائب کپتان محمد رضوان نے بھی محمد شامی کی حمایت کر دی۔

محمد رضوان اپنی ٹوئٹ میں لکھا کہ ایک کھلاڑی کو اپنے ملک اور  لوگوں کے لیے جس طرح کے دباؤ ، جدوجہد اور قربانیوں سے گزرنا پڑتا ہے اس کا اندازہ نہیں لگایا جاسکتا ۔

محمد رضوان نے اپنے ٹوئٹ میں بھارتیوں کو  مخاطب کرتے ہوئے لکھا کہ ’محمد شامی ایک اسٹار ہے اور دنیا کے بہترین بولرز میں سے ایک ہے، اپنے اسٹار کی عزت کریں اور قدر کریں۔کرکٹ کے ذریعے لوگوں کو جوڑنا چاہیے ناکہ تفریق پیدا کی جائے۔‘

پاکستان سے شکست پر بھارتی ٹیم کے مسلمان بولر محمد شامی کیخلاف نفرت انگیز مہم

کسی نے شامی کو پاکستانی جاسوس کہا تو کسی نے پاکستان کے ساتھ مفت کھیلنے کا مشورہ دیا۔

خیال رہے کہ ہندو انتہا پسندوں کی جانب سے بھارت کی شکست کا سارا ملبہ بولر محمد شامی پر ڈالا جارہا ہے اور پاک بھارت میچ کے اختتام پر محمد شامی کے خلاف سوشل میڈیا پر انتہائی نامناست رویہ دیکھنے میں سامنے آیا۔