’تماشائی خاموش رہیں‘، شعیب اختر کا نیوزی لینڈ ٹیم پر طنز

پاکستان کرکٹ ٹیم کے فاسٹ بولر شعیب اختر نے نیوزی لینڈ کرکٹ ٹیم پر طنز کیا ہے جسے سوشل میڈیا پر خوب شیئر کیا جارہا ہے۔

شعیب اختر نے ٹوئٹر پر جاری اپنے پیغام میں لکھا  ’میں تمام پاکستانی فینز سے درخواست کرتا ہوں کہ میچ کے دوران خاموش رہیں اور بہت زیادہ شور مچا کر جشن نہ منائیں، عین ممکن ہے کہ اس بار سکیورٹی خدشات کے بجائے نیوزی لینڈ کی ٹیم اسٹیڈیم میں بہت زیادہ شور ہونے کا جواز بناکر میچ منسوخ کرنے کا مطالبہ کردے۔‘

خیال رہے کہ 17 ستمبر 2021 کو نیوزی لینڈ کرکٹ ٹیم نے سکیورٹی خدشات کو جواز بناکر پاکستان کا دورہ اچانک ختم کرنے کا اعلان کردیا جس کے بعد دونوں ٹیموں کے درمیان سیریز ملتوی کردی گئی تھی۔

پاکستان اور نیوزی لینڈ کے درمیان تین ون ڈے میچز راولپنڈی اور 5 ٹی ٹوئنٹی میچز لاہور میں کھیلے جانے تھے۔

ورلڈکپ: قومی ٹیم کا اگلا ہدف دورہ پاکستان ملتوی کرنے والی نیوزی لینڈ کی ٹیم

17 ستمبر 2021 کو نیوزی لینڈ کرکٹ ٹیم نے سکیورٹی خدشات کو جواز بناکر پاکستان کا دورہ اچانک ختم کرنے کا اعلان کردیا تھا

نیوزی لینڈ کی جانب سے اچانک دورہ منسوخ کیے جانے پر شائقین کرکٹ نے سخت مایوسی کا اظہار کیا تھا اور اب سوشل میڈیا پر پاک نیوزی لینڈ میچ سے قبل قومی ٹیم کے چاہنے والے یہ خواہش رکھتے ہیں کہ پاکستان نیوزی لینڈ کو بھی شکست دے۔

خیال رہے کہ ٹی ٹوئنٹی ورلڈ کپ کے سپر 12 مرحلے میں پاکستان نے اپنے پہلے ہی میچ میں روایتی حریف بھارت کو 10 وکٹوں سے شکست دی۔

سپر 12 میں ہر ٹیم 5 میچز کھیلے گی اور ٹاپ 4 ٹیمیں سیمی فائنل کیلئے کوالیفائی کریں گی۔