پہلی بار 55 ہزار ملے تو چیک جیب میں رکھ کر سویا، آصف علی کا پرانا انٹرویو وائرل

ورلڈ ٹی ٹوئنٹی میں قومی ٹیم کو فتح سے ہمکنار کرانے والے آصف علی کا ایک پرانا انٹرویو سوشل میڈیا پر وائرل ہورہا ہے۔

انٹرویو میں آصف علی کا کہنا تھا کہ میرا کراچی ٹورنامنٹ میں فیصل آباد کی ٹیم سے پہلی بار نام آیا، اس میچ میں محمد حفیظ نے 100 رنز بنائے تھے، ہم نے سیالکوٹ کو فائنل ہرایا تھا، میں اس ٹیم میں شامل تھا لیکن کوئی میچ نہیں کھیلا تھا۔

آصف علی نے بتایا کہ مجھے فائنل جیتنے پر 55 ہزار کا چیک ملا تھا اور اس وقت میری تنخواہ 5 ہزار روپے تھے، اس پر سوچا کہ اتنی بڑی رقم کہاں رکھوں، پھر چیک جیب میں رکھ کر سو گیا تاکہ کہیں کھو نہ جائے۔

قومی کرکٹر کا کہنا تھا کہ ان پیسوں سے 50 ہزار روپے کی ایک پرانی موٹرسائیکل ون ٹو فائیو خریدی جو چلتے چلتے کہیں بھی بند ہوجاتی تھی، میچ کھلینے گیا اورکچھ دن بعد گھر آیا تو موٹرسائیکل نہیں تھی، بڑے بھائی نے بتایا وہ انہوں نے 5 ہزار روپے کی کباڑ میں بیچ دی۔

’آصف علی سے معذرت کے فارم دستیاب ہیں‘

آصف علی نے افغانستان کے خلاف ایک اوور میں 4 چھکے لگا کر پاکستان کی جیت میں اہم کر دار ادا کیا تھا۔

دیکھیے افغانستان کیخلاف آصف علی کے 4 شاندار چھکوں کی ویڈیو

مڈل آرڈر بیٹسمین آصف علی نے 4 چھکے لگاکر افغانستان کے خلاف میچ میں پاکستان کو کامیابی دلائی