ورلڈکپ میں فتوحات کی ہیٹ ٹرک کے بعد پاکستانی کھلاڑیوں نے کیسے جشن منایا ؟

ٹی ٹوئنٹی ورلڈ کپ میں فتوحات کی ہیٹ ٹرک کرنے والے پاکستان ٹیم کے کھلاڑیوں نے گانے گا کر جشن منایا ۔

حسن علی نے گٹار بجا کر دل دل پاکستان گایا تو حفیظ نے ’ہے جذبہ جنون تو ہمت نہ ہار‘ سنایا۔

اس کے علاوہ کپتان بابراعظم نے بھی گانا گنگنایا۔

آئی سی سی مینز ٹی ٹوئنٹی ورلڈ کپ کے ساتویں ایڈیشن کا سپر 12مرحلہ متحدہ عرب امارات میں جاری ہے جہاں پاکستان نے اپنے ابتدائی 3 میچز میں کامیابی حاصل کرلی ہے۔

پاکستان نے اپنے پہلے میچ میں بھارت کو 10 وکٹوں سے شکست دی جس کے بعد کیویز اور افغانستان کے خلاف بھی قومی ٹیم نے شاندار فتح حاصل کی۔