01 نومبر ، 2021 
برطانیہ سے مطلوبہ سکیورٹی نہ ملنے پر اردوان نے موسمیاتی کانفرنس میں شرکت منسوخ کردی
01 نومبر ، 2021
ترک صدر رجب طیب اردوان نے برطانیہ کی جانب سے مطلوبہ سکیورٹی اور پروٹوکول نہ ملنے پر اسکاٹ لینڈ کے شہرگلاسگو میں ہونے والی عالمی موسمیاتی کانفرنس میں شرکت منسوخ کردی۔
ترک خبر ایجنسی کے مطابق ترک صدر نے اٹلی میں جی ٹوئنٹی کانفرنس کے بعدگلاسگو میں موسمیاتی کانفرنس میں شرکت کرنا تھی تاہم انہوں نے مطلوبہ سکیورٹی نہ ملنے پر گلاسگو کانفرنس میں شرکت منسوخ کردی۔
خبر ایجنسی کے مطابق اردوان گلاسگو میں موسمیاتی کانفرنس میں شرکت کیے بغیر اٹلی سے واپس ترکی چلےگئے۔
خیال رہےکہ برطانیہ کی میزبانی میں موسمیاتی تبدیلی پر عالمی کانفرنس گلاسگو میں ہورہی ہے جس میں بین الاقوامی لیڈرز ، تجزیہ کار اور تاجر شریک ہیں۔
اس حوالے سے ایک بیان میں کیتھولک عیسائیوں کے مذہبی پیشوا پوپ فرانسس نےکہا ہےکہ یہ ایک بڑا خواب دیکھنےاور اپنی ترجیحات پر نظر ثانی کرنے کا لمحہ ہے، جس کا ہم نے خواب دیکھا، اس مستقبل کی دوبارہ منصوبہ بندی کرنےکا وقت ہے۔
مزید خبریں :
مکہ مکرمہ، طائف اور دیگر سعودی شہروں میں موسلا دھار بارش
25 نومبر ، 2024
ڈونلڈ ٹرمپ نے اپنی 15 رکنی کابینہ کا انتخاب مکمل کرلیا
25 نومبر ، 2024
