03 نومبر ، 2021 
پاکستان
کراچی سمیت سندھ بھر میں ڈینگی کے کیسز میں اضافہ
03 نومبر ، 2021
سندھ بھر میں گزشتہ 24 گھنٹوں میں 67 افراد ڈینگی وائرس میں مبتلا ہوگئے۔
محکمہ صحت سندھ کے مطابق گزشتہ روز صوبے میں 67 افراد میں ڈینگی وائرس کی تصدیق ہوئی جن میں سے 40 کا تعلق کراچی سے تھا۔
دوسری جانب محکمہ صحت پنجاب کے مطابق صوبے میں ڈینگی سے مزید 3 افراد انتقال کرگئے جب کہ گزشتہ 24 گھنٹوں کے دوران صوبے میں ڈینگی کے مزید 494 کیسز سامنے آئے۔
محکمہ صحت پنجاب کا بتانا ہے کہ اسلام آباد میں ڈینگی سے 94 افراد متاثر ہوئے۔
ادھر گزشتہ 24 گھنٹوں کے دوران خیبرپختونخوا میں ڈینگی کے مزید 267 نئے کیسز رپورٹ ہوئے۔
