08 نومبر ، 2021 
’ہر کامیاب مرد کے پیچھے عورت کا ہاتھ ہوتا ہے‘
08 نومبر ، 2021
قومی ٹیم کے آل راؤنڈر شعیب ملک کی گزشتہ روز شاندار پرفارمنس پر جہاں سوشل میڈیا صارفین خاصے خوش نظر آئے وہیں متعدد صارفین نے اس جیت کو ان کی اہلیہ ثانیہ مرزا کی اسٹیڈیم میں موجودگی سے بھی منسوب کردیا۔
ٹی ٹوئنٹی ورلڈکپ میں شعیب ملک نے گزشتہ روز اسکاٹ لینڈ کے خلاف 18 گیندوں پر 54 رنز کی ناقابل شکست اننگز کھیلی جس میں 6 چھکے اور ایک چوکا شامل ہے، اس شاندار کارکردگی کے بعد شعیب پاکستان کے ٹی ٹوئنٹی فارمیٹ میں تیزترین نصف سنچری بنانے والےکھلاڑی بن گئے ہیں۔
شعیب کی دھواں دھار اننگز کے دوران ان کی اہلیہ ٹینس اسٹار ثانیہ مرزا بھی اسٹیڈیم میں ہی نظر آئیں جو شوہر کی بیٹنگ سے محظوظ ہونے کے ساتھ ساتھ ان کے مختلف شاٹس پر انہیں داد دیتی رہیں۔
پاکستان کی جیت کے بعد سوشل میڈیا پر شعیب ملک اور ثانیہ مرزا سے متعلق دلچسپ تبصرے کیے گئے جس میں صارفین ثانیہ سے سیمی فائنل میں آنے کی درخواست بھی کرتے دکھائی دیے۔
ایک صارف نے شعیب اور ثانیہ کی اسٹیڈیم میں لی گئی تصاویر شیئر کرتے ہوئے لکھا کہ ہر کامیاب مرد کے پیچھے عورت کا ہاتھ ہوتا ہے۔
ایک صارف نے ثانیہ سے درخواست کرتے ہوئے ٹوئٹ کی کہ ثانیہ بھابھی پلیز ٹی ٹوئنٹی کے سیمی فائنل میں بھی آجائیں ۔
ایک صارف نے ثانیہ کو شعیب کے لیے خوش قسمت قرار دیا اورلکھا کہ ثانیہ جب بھی اسٹیڈیم آتی ہیں شعیب بہترین پرفارم کرتے ہیں۔
مزید خبریں :
بھارتی کرکٹر کے ہاں بیٹے کی پیدائش
27 منٹ پہلے
آئی سی سی نے چیمپئنز ٹرافی کے شیڈول کا اعلان کر دیا
24 دسمبر ، 2024
