09 نومبر ، 2021 
پاک آسٹریلیا سیمی فائنل میچ میں امپائرز کون ہوں گے؟ اعلان ہوگیا
09 نومبر ، 2021
انٹرنیشنل کرکٹ کونسل (آئی سی سی) نے ٹی ٹوئنٹی ورلڈ کپ کے سیمی فائنل میچز کیلئے آفیشلز کا اعلان کردیا ہے۔
آئی سی سی کی جانب سے جاری اعلامیے کے مطابق بدھ 10نومبر کو ابوظبی میں ہونے والے پہلے سیمی فائنل میچ میں فیلڈ امپائرز کی ذمہ داری ماریس ایراسمس اور کمار دھرما سینا انجام دیں گے جبکہ تھرڈ امپائر نتن مینن اور پال ریفل فورتھ امپائر ہوں گے۔
اس کے علاوہ نیوزی لینڈ اور انگلینڈ کے درمیان ہونے والے پہلے سیمی فائنل میں ڈیوڈ بون میچ ریفری ہوں گے۔
11 نومبر بروز جمعرات دبئی میں پاکستان اور آسٹریلیا کے درمیان ہونے والے دوسرے سیمی فائنل میں فیلڈ امپائرز رچرڈ کیٹل برو اور کرس گفانے ہوں گے۔
تھرڈ امپائر جوئل ولسن اور فورتھ امپائر رچرڈ النگ ورتھ ہونگے جبکہ جیف کرو میچ ریفری ہوں گے۔
آئی سی سی کے مطابق 14 نومبر کو دبئی میں ہونے والے فائنل کے لیے میچ آفیشلز کا اعلان سیمی فائنلز کے بعد کیا جائے گا۔
مزید خبریں :
ورلڈکپ 2026 کیلئےکوالیفائی کرنا ٹارگٹ ہے: ہیڈکوچ پاکستان ہاکی ٹیم
31 اکتوبر ، 2024
فخر زمان کی مشکلات جلد ختم ہونے کا امکان
30 اکتوبر ، 2024
