10 نومبر ، 2021 
آسٹریلیا کیخلاف سیمی فائنل سے قبل انضمام کا قومی ٹیم کو مشورہ
10 نومبر ، 2021
قومی کرکٹ ٹیم کے سابق کپتان انضمام الحق کا کہنا ہےکہ آسٹریلیا کے خلاف پاکستان کے کپتان کو فرنٹ سے لیڈ کرنا ہوگا، آسٹریلیا حملہ کرتا ہے لیکن کل ہمیں حملہ کرنا ہوگا۔
جیو نیوزکے پروگرام 'جشن کرکٹ' میں گفتگو کرتے ہوئے انضمام الحق کا کہنا تھا کہ کل کے میچ میں جس نے ٹاس جیتا وہ بولنگ کرےگا، آسٹریلیا کی بولنگ اچھی ہے، جب گیند بلے پر آرہی ہو تو بابر اور رضوان اچھا کھیلتے ہیں۔
انضمام الحق کا کہنا تھا کہ آج کے میچ میں مالان اور معین علی بہت سلو کھیلے، انگلینڈ نے شروع میں حملہ ہی نہیں کیا، مورگن پہلے آتا تو یہ 200 کی وکٹ تھی، مورگن بہت تجربہ کار کپتان ہے مگر عقل مندوں سے بھی غلطیاں ہوتی ہیں۔
سابق لیگ اسپنر مشتاق احمد کا کہنا تھا کہ اللہ شعیب ملک اور محمد کو رضوان تندرستی عطا فرمائے، بابر اعظم کو مچل اسٹارک کو زیادہ کھیلنا چاہیے، رضوان کو چاہیےکہ ہیزل ووڈ کو زیادہ کھیلے۔
شعیب اختر کا کہنا تھا کہ رمیز راجا ٹیم کو مستقل حوصلہ دے رہے ہیں ،چیئرمین پی سی بی کا پیغام اچھا تھا،قومی ٹیم کو مشورہ ہےکہ گھبرانا نہیں ہے۔
مزید خبریں :
چیمپئنز ٹرافی 2025: ایونٹ کی ٹرافی پاکستان پہنچ گئی
14 نومبر ، 2024
