11 نومبر ، 2021 
شعیب اور رضوان کے سیمی فائنل کھیلنے کے امکانات روشن
11 نومبر ، 2021
آئی سی سی مینز ٹی ٹوئنٹی ورلڈ کپ کے سیمی فائنل میں آج پاکستان اور آسٹریلیا مد مقابل ہوں گے اور بڑے میچ سے قبل پاکستان کے دو اہم کھلاڑی شعیب ملک اور محمد رضوان کو بخار اور نزلے کی شکایات کی اطلاعات ہیں۔
پاکستان اور آسٹریلیا کے درمیان میچ سے قبل یہ خبر سامنے آئی تھی کہ قومی ٹیم کے دو کھلاڑی محمد رضوان اور شعیب ملک کو نزلے اور بخار کی شکایت ہے اور دونوں کی آج کے سیمی فائنل میں شرکت مشکوک ہے۔
ذرائع کے مطابق دونوں کھلاڑیوں کی عدم دستیابی کی صورت میں پاکستانی ٹیم میں سرفراز احمد اور حیدر علی کی شمولیت کا امکان ہے۔
تاہم جیو نیوز کے دبئی میں موجود نمائندے کے مطابق پاکستانی شائقین کرکٹ کے لیے اچھی خبر یہ ہے کہ شعیب ملک اور محمد رضوان دونوں کے کورونا کے ٹیسٹ کلیئر آئے ہیں۔
ڈاکٹرز کے مطابق دونوں کھلاڑیوں نے تین روز آرام کیا ہے اور گزشتہ روز پریکٹس سیشن میں بھی دونوں کھلاڑی موجود نہیں تھے۔
امید ہے دونوں کھلاڑی ایکشن میں نظر آئیں گے: مینیجر پاکستان کرکٹ ٹیم
شعیب ملک اور محمد رضوان کی صحت کے حوالے سے مینیجر پاکستان کرکٹ ٹیم منصور رانا کا کہنا ہے کہ دونوں کھلاڑیوں کی طبیعت میں بہتری آرہی ہے، امید ہے دونوں کھلاڑی ایکشن میں نظر آئیں گے۔
منصور رانا کا کہنا ہے کہ فلُو اور معمولی بخار کی وجہ سے دونوں نے گزشتہ روز پریکٹس میں حصہ نہیں لیا تھا، میچ سے قبل دونوں کھلاڑیوں کا فٹنس ٹیسٹ ہوگا، دونوں کھلاڑی سیمی فائنل کھیلنا چاہتے ہیں۔
پاکستان کرکٹ بورڈ کا میڈیکل پینل دوپہر میں دونوں کھلاڑیوں کا دوبارہ جائزہ لے گا اور معائنے کے بعد پی سی بی میڈیا کو تفصیلات سے آگاہ کر دے گا۔
مزید خبریں :
’چیتا‘ قرار دیدیا، بابراعظم بھی اوپنر صائم ایوب کے مداح ہوگئے
23 دسمبر ، 2024
پاکستان اور جنوبی افریقا کا آخری ون ڈے بارش کی نذر ہونیکا امکان
22 دسمبر ، 2024
پاکستان کے ٹی 20 اسکواڈ کو بہتر بنانے کیلئے بڑا فیصلہ کرلیا گیا
22 دسمبر ، 2024
پاکستان کے ٹی 20 اسکواڈ کو بہتر بنانے کیلئے بڑا فیصلہ کرلیا گیا
22 دسمبر ، 2024
