میتھیو ویڈ کا کیچ ڈراپ، حسن علی کو دباؤ سے نکالنے پر شعیب ملک کی تعریفیں

آسٹریلین اننگز کے 19 ویں  اوور میں  پاکستان کرکٹ ٹیم کے بولر حسن علی نے میتھیو ویڈ کا اہم کیچ ڈراپ کیا جس نے میچ کا پانسہ سیکنڈوں میں تبدیل کردیا۔

کیچ  ڈراپ کرنے کے بعد حسن علی بہت دباؤ میں آگئے تھے لیکن  ایسے میں سابق کپتان شعیب ملک حسن علی کے پاس گئے ان کا حوصلہ بڑھایا اور تھپکی دی۔

اس موقع پر کمنٹیٹرز اور  اسٹیڈیم میں موجود  شائقین نے بھی شعیب ملک کی اسپورٹس مین اسپرٹ کی تعریف کی۔

اب تک ناقابل شکست رہنے والی پاکستان ٹیم آسٹریلوی قلعہ فتح نہ کرسکی، ورلڈ کپ سے باہر

19ویں اوور میں حسن علی نے میتھوویڈ کا کیچ چھوڑا جو ٹرننگ پوائنٹ ثابت ہوا، میتھو ویڈ نے 17 گیندوں پر برق رفتار 41 رنز بنائے، بیٹرز کی محنت رائیگاں

خیال رہے کہ ٹی ٹوئنٹی ورلڈکپ کے گروپ میچز میں ناقابل شکست رہنے والی پاکستانی ٹیم سیم فائنل میں آسٹریلیا سے شکست کھاگئی۔

پاکستان نےآسٹریلیا کی دعوت پر پہلے بیٹنگ کرتے ہوئے مقررہ 20 اوورز میں 4 وکٹوں کے نقصان پر 176 رنز بنائے، محمد رضوان 67 اور فخر زمان 55 رنز بناکر نمایاں رہے جب کہ آسٹریلیا نے ہدف 19 ویں اوور میں حاصل کرلیا۔