12 نومبر ، 2021 
کیک اور حسن علی کا ڈراپ کیچ، معاملہ کیا ہے؟ سوشل میڈیا صارفین نئی منطق لے آئے
12 نومبر ، 2021
ٹی ٹوئنٹی ورلڈکپ کے سیمی فائنل میں گزشتہ روز پاکستان کے فاسٹ بولر حسن علی نے 19 ویں اوور میں آسٹریلوی بیٹر میتھیو ویڈ کا کیچ چھوڑا جس کے بعد قومی ٹیم کو شکست کا سامنا کرنا پڑا۔
سوشل میڈیا پر جہاں حسن علی کو کیچ چھوڑنے پر تنقید کا نشانہ بنایا جارہا ہے وہیں کچھ صارفین نے مزے مزے کے تبصرے کرتے ہوئے حسن علی کے کیچ چھوڑنے کی خود ساختہ وجہ بھی بتاڈالی۔
سوشل میڈیا پر حارث رؤف کی سالگرہ کی ایک ویڈیو وائرل ہورہی ہے جس میں ٹیم کے تمام کھلاڑی حارث رؤف کو ان کی سالگرہ کی مبارک باد دیتے ہوئے کیک کاٹ رہے ہیں۔
ویڈیو میں دیکھا جاسکتا ہے کہ حارث کھلاڑیوں کو کیک بھی کھلارہے ہیں لیکن جب کیک کھانے کی باری حسن علی کی آئی تو شاہین آفریدی نے حارث رؤف کے چہرے پر کیک لگانے کی کوشش کی جس کی وجہ سے حسن کیک کھانے سے محروم رہ گئے اور وہ بس منہ ہی دیکھتے رہ گئے۔
سوشل میڈیا صارفین اس ویڈیو کو شیئر کرکے مزے مزے کے تبصرے کرتے ہوئے کہہ رہے ہیں کہ حسن علی کو کیک نہ ملنا آسٹریلیا کےخلاف ان کے کیچ چھوڑنے کی وجہ بنا۔
ایک صارف نے لکھا کہ ' تم نے حسن علی کا کیک چھینا اس نے تمہارا ورلڈکپ چھین لیا'۔
واضح رہے کہ آسٹریلیا نے سیمی فائنل میں پاکستان کو شکست دیکر دوسری بار ٹی ٹوئنٹی ورلڈکپ کے فائنل کیلئے کوالیفائی کیا جہاں 14 نومبر کو اس کا مقابلہ نیوزی لینڈ سے ہوگا۔
مزید خبریں :
چیمپئنز ٹرافی 2025: ایونٹ کی ٹرافی پاکستان پہنچ گئی
14 نومبر ، 2024
