پاکستان
Time 14 نومبر ، 2021

نور مقدم قتل کیس کی سی سی ٹی وی آن ائیر کرنے پر پابندی عائد

اسلام آباد: پاکستان الیکٹرانک میڈیا ریگولیٹری اتھارٹی (پیمرا) نے نور مقدم قتل کیس کی سی سی ٹی وی فوٹیج آن ائیر کرنے پرپابندی عائد کر دی۔

نور مقدم قتل کیس سے متعلق ایک سی سی ٹی وی فوٹیج گزشتہ روز منظر عام پر آئی تھی جس میں کیس کے گرفتار مرکزی ملزم ظاہر شاہ کو مقتولہ نور مقدم کو زبردستی اندر لے جاتے ہوئے دیکھا گیا تھا۔

تاہم اب پیمرا نے نور مقدم قتل کیس کی سی سی ٹی وی فوٹیج آن ائیر کرنے پر پابندی عائد کر دی ہے اور اس حوالے سے باقاعدہ نوٹیفکیشن بھی جاری کر دیا گیا ہے۔

اعلامیے کے مطابق پیمرا آرڈیننس کی شق27 کے تحت نور مقدم قتل کیس کی سی سی ٹی وی فوٹیج دکھانے کی ممانعت ہے، تمام سیٹلائٹ ٹی وی چینلز نور مقدم قتل کیس کی سی سی ٹی وی ویڈیو فی الفور آف ائیر کر دیں۔

نور مقدم قتل کیس کی سی سی ٹی وی آن ائیر کرنے پر پابندی عائد

پیمرا کے نوٹس میں کہا گیا ہے کہ نور مقدم قتل کیس کی ویڈیو آن ائیر کرنے پر ٹی وی چینلز کے خلاف سخت ایکشن لیا جائے گا۔

مزید خبریں :