فضائی آلودگی میں اضافہ، لاہور اور کراچی کونسے نمبر پر ہیں؟

پنجاب میں ہر گزرتے دن کے ساتھ فضائی آلودگی میں تشویشناک حد تک اضافہ ہوتا جا رہا ہے۔

دنیا کے آلودہ ترین شہروں کی فہرست میں آج بھارتی دارالحکومت نئی دہلی پہلے اور لاہور  دوسرے نمبر پر ہے۔

ائیرکوالٹی انڈیکس کے مطابق لاہور کی فضا انتہائی آلودہ ہے اور  وہاں پرٹیکیولیٹ میٹرز کی تعداد 306 تک جاپہنچی ہے جبکہ نئی دہلی میں پرٹیکیولیٹ میٹرز کی تعداد400 ریکارڈ کی گئی۔

آلودہ ترین شہروں کی فہرست میں کراچی نویں نمبر پر ہے اور شہرِ قائد کی فضا میں  پرٹیکیولیٹ میٹرز کی تعداد 162ریکارڈ ہوئی۔ 

فضائی آلودگی میں تیسرا نمبر چین کے شہر ووہان کا ہے جہاں پرٹیکیولیٹ میٹرز کی تعداد 210 ریکارڈ کی گئی۔

ائیر کوالٹی انڈیکس کا بتانا ہے کہ درجہ بندی کے مطابق 151 سے 200 درجے تک آلودگی مضر صحت، 201 سے 300درجے تک آلودگی انتہائی مضر صحت اور 301 سے زائد درجہ خطرناک آلودگی کوظاہر کرتاہے۔

طبی ماہرین کا کہنا ہے اسموگ سے نزلہ، زکام، کھانسی اور دیگر انفیکشنز جنم لے سکتے ہیں تاہم ماہرین کی جانب سے شہریوں کو احتیاطی تدابیر اختیار کرنے اور ماسک کا استعمال یقینی بنانے کا مشورہ دیا گیا ہے۔