17 نومبر ، 2021 
باسز خبردار : آفس اوقات کے بعد ملازمین کو میسج یا ای میل کی تو جرمانہ ہوگا
17 نومبر ، 2021
پرتگال میں ملازمین کے آرام کو مد نظر رکھتے ہوئے نئے اور حیران کن قوانین متعارف کروائے گئے ہیں۔
برطانوی نشریاتی ادارے بی بی سی کی ایک رپورٹ کے مطابق پرتگال کی حکومت نے باسز کی جانب سے آفس اوقات کے بعد ملازمین کو میسج یا ای میل بھیجنے پر پابندی لگادی ہے جس کے تحت 10 ملازمین سے زیادہ عملہ رکھنے والی کمپنیز کے باسز آفس اوقات کار کے بعد ملازمین کو تنگ نہیں کر سکتے بصورت دیگر کمپنی کو جرمانہ ادا کرنا ہوگا۔
پرتگال میں یہ قانون گھر سے کام کے دوران ملازمین کی گھر اور آفس لائف کو متوازن رکھنے کے لیے متعارف کروایا گیاہے۔
بچے رکھنے والے ملازمین کے لیے بھی ملک میں نئے قوانین متعارف کروائے گئے ہیں جس کے تحت کوئی بھی ملازم جس کے بچے 8 سال کی عمر سے چھوٹے ہوں وہ کمپنی مالکان کی پیشگی اجازت لیے بغیر گھر سے کام کر سکتے ہیں۔
نئے قوانین کے تحت کمپنیاں ملازمین کے گھروں پر آنے والے بلز مثلاًبجلی اور انٹرنیٹ میں بھی اپنا حصہ ڈالیں گی۔
مزید خبریں :
ویڈیو: کراچی کے علاقے گارڈن میں بندر مکان کی چھت پر چڑھ گیا
20 نومبر ، 2024
دبئی میں چوبیس قیراط سونے کی الیکٹرک کار قرعہ اندازی کے لیے پیش
19 نومبر ، 2024
