20 نومبر ، 2021
لاہور میں ایک شخص نے بیٹے سے طلاق لےکرکہیں اور شادی کرنے پر اپنی سابقہ بہو کو تیز دھار آلے کے وار سے زخمی کردیا۔
پولیس کے مطابق یہ واقعہ لاہور کے علاقے فیکٹری ایریا میں پیش آیا جہاں اپنی سابقہ بہو کو تیز دھار آلے سے زخمی کرنے والے شخص کو پولیس نے گرفتار کرلیا۔
پولیس کے مطابق ملزم عمران کو غصہ تھا کہ لڑکی نے اس کے بیٹے بلال سے طلاق لے لی اور کہیں اور شادی کرلی، ملزم نے لڑکی کو اس کے گھر میں گھس کر تیز دھار آلے سے وار کرکے زخمی کردیا۔
اہل خانہ نے ملزم عمران کو پکڑ کر پولیس کے حوالے کر دیا، پولیس کے مطابق زخمی لڑکی فروا کو اسپتال منتقل کرکے مقدمہ درج کر لیا گیا ہے۔