Can't connect right now! retry

دنیا
21 نومبر ، 2021

عمران خان کو بڑا بھائی کہنے پر گوتم گمبھیر سدھو پر برس پڑے

نوجوت سنگھ کے اس بیان کے بعد بھارت میں ان پر شدید تنقید کی جارہی ہے—فوٹو فائل
نوجوت سنگھ کے اس بیان کے بعد بھارت میں ان پر شدید تنقید کی جارہی ہے—فوٹو فائل

بھارت کے سابق کرکٹر اور کانگریس پنجاب کے صدر نوجوت سنگھ سدھو کی جانب سے پاکستان کے وزیراعظم عمران خان کو بڑا بھائی کہنے پر سابق بھارتی کرکٹر اور  بی جے پی کے وزیر گوتم گمبھیر نے سدھو کو آڑے ہاتھوں لے لیا۔

گوتم گمبھیر نے ٹوئٹر پر اپنا پیغام جاری کیا اور کہا کہ اپنے بیٹے یا بیٹی کو سرحد پر بھیجیں اور پھر اُس ریاست کے سربراہ (عمران خان) کو اپنا بڑا بھائی کہیں۔ 

بی جے پی سے تعلق رکھنے والے سابق کرکٹر گوتم گمبھیر نے سدھو کے بیان کو ناگوار بھی قرار دیا۔

خیال رہے کہ گزشتہ روز نوجوت سنگھ سدھو کرتار پور راہداری سے پاکستان میں گوردوارا دربار صاحب پہنچے تھے جہاں ان کا شاندار استقبال کیا گیا تھا۔

 سدھو نے پاکستانی حکام کی جانب سے وزیراعظم عمران خان کے توسط سے اس شاندار استقبال پر بات کا جواب دیتے ہوئے وزیراعظم عمران خان کو بڑا بھائی کہا تھا۔

نوجوت سنگھ کے اس بیان کے بعد بھارت میں ان پر شدید تنقید کی جا رہی ہے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM